Laevesloup vanne Wuilusse
Weem zeên dî-j WUILUSSE? Det es un klupke di-j altieëd al bieëzig zeen gewaesj met vastelaovendj veere. Met de hieêle groep make ze het hieêle jaor doeër lol en plezeer. De hoeëfdrolspuëlers vanaaf ut begîn zeen: Jos Smolenaers, Jos Levels, Hub Bukkems, Wel Gabriëls, Coen Gabriëls en Jo Lempens.
De Wuilusse zeen ontstange uut unne vrî-ndje groep di-j al dêkker aan de optocht mè-j haaje gedaon en auch verschillende kieere als gastartiest beej oonger angere de “Geitebrejjers”haaje met gedaon. Dae vreendje groep es ontstange vanuut de Mulo van Kieentj en in dae tieed hebbe dijj noagal de baer gereeje. Uuteindelijke hebbe vieef kaerels en auch vieef vrôuwlu ut initiatief genome um op de jaorwisseling van 1972/1973 um nul oor nul 1973 de VV de Wuilusse op te richten. En det is gelieek begônne met ein knallendj aod op nôw, woeebeej de körsbel uut de körsbaum vloeege…
De naam DE WUILUSSE waas un feit !!!!!!!!!!!!!!!!!
Oos motto: “Ze bestaon echt” waas geliêk good vör unne 1e prieês.
Coen deej in dae tieêd nog neet met beej DE WUILUSSE mèr waas al jaore actief inne optocht met un Kieëndjer v.v. “De Schieterkes” ônger angere met Thijs Vleeshouwers en Hennie Camp en Leo Gabriëls. Vanaaf 1976, toen d’r wat techniek noedig bleek te zeen kwaam hae beej de Wuilusse. Hae bleef nog un tieedje mèj doon op kieëntj met zien wichter onder de naam: “Vae twieë en oos joong” en later met wat mieer aojers onger “de snoeëterbelkes”
In 1978 kwaam Wiljo Beerens beej de wuilusse. Echter ut gaon woeene, vèr weg in Bels, deej-um besloeete ôs te verlaote. Hae kwaam nog geregeld kieke nao oeês kreaties. Helaas krege vae in 1999 te huure det hae als vleeginstrukteur inne buurt van Antwerpe es verongelöktj. Vae zegge: Wiljo, ut es gein vaarwel, mer unne tot weerus…………..
Ooes foto’s laote waal zeen det dur un schoeên Wuiluslaeve es ontstange. En laot oos hoêpe det dit noch lang zal deure…..
Kiektj merres nao dit filmke……..
Soonger Jo (Helaas met zien zîkdje Parkinson kôs hae al ein tieedje neet mieer mèj) gaon vae al vanaaf det Jos Smolenaers 50 jaor es gewoeere in de herfstvakansie nao Zuid Limburg wandele. Vae begoste in Noorbeek, toen nao Eperheide, Camerig, Schin op Geul, Bruisterbosch, en toen weer nao Noorbeek, en later nao Mechelen, en weer nao Mechelen Valkenburg, Camerig, Mechelen enz . Auch heejvan zeen wat impressies opgenoeeme..
Noôw zeen vae allemaol de 60 en 70 Jaor gepassieertj dus……..blieeftj wuilusse … en gae blieftj d’r joonk beej!!
Februari 2016 besloeete vae, nao un laate vergadering beej de Tram, neet mieer mèt te doon (mer weem wêtj………)
In juni 2016 es oos wuiluske Riek overleeje.
In sept. 2017 es ooze wuilus Jo overleeje, ich kreeg um nog aan ut lache en det deej mich völ!!
Heej stieet Jo Lempens in 1993 nog as leste kieer als Wuilus deilnemer inne optocht.
Hae genoot elke kieer weer van oees kreaties en zieeker van ut feit det vae dae Knauwelpriees toch mer 7 kieer hebbe gewônne
Wuilusse 